Beskrywing

Monte Leone Self-catering is 'n selfsorgwoonstel op die eienaar se perseel teen die hange van Leeukop in Fresnaye, Seepunt. Dié lieflike, Victoriaanse woonstel is 5 minute vanaf winkels, restaurante, strande en ander besienswaardighede aan die Kaap se Atlantiese kuslyn.

Die woonstel bied slaapplek aan 2 gaste en het 'n slaapkamer, badkamer en 'n oopplan-leefarea en -kombuisie. Die sitkamer het 'n nou stel trappe na die slaapkamer met 'n koningingrootte-bed, 'n en suite-toilet en 'n sonnige en ruim aantrekkamer. Die sitkamer lei ook na die badkamer met 'n stort en 'n gastetoilet. Die kombuisie is met 'n yskassie, mikrogolfoond, oondjie en tweeplaatstoof toegerus.

Die oopplan-sitkamer langsaan het 'n TV met sekere DStv-kanale. Die sitkamer het skuifdeure wat op 'n sonnige stoep met gas- en houtbraaigeriewe en 'n uitsig oor die swembad en die voëlhok oopmaak. Gaste het privaat gebruik ban die stoep, swembad en braaigeriewe. Die swembad is bedek om water te bespaar, maar dit kan afgehaal word wanneer gaste wil swem. Swem is op gaste se eie risiko.

Daar is oorgenoeg gratis parkeerplek in die straat voor die hek. Gaste het ook toegang tot die hele tuin. Die MyCiTi-bushalte is 'n paar minute se stap weg en gaste kan die gasheer se 2 MyCiTi-kaarte gebruik om geld op te laai om van die diens gebruik te maak.

Die eiendom is sowat 4,5 km vanaf die gewilde V&A Waterfront en 6,5 km vanaf die Tafelberg-kabelkarretjie.