MonTQ Guest House

Gastehuis

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Langstraat 46, Montagu, 7405, Wes-Kaap
Vanaf R820 per nag (plek vir 2)

Beskrywing

MonTQ Guest House is 'n historiese grasdakmonument in die hartjie van die pragtige Montagu wat op die bekende Roete 62 geleë is.

Dié gastehuis het 3 en suite-kamers wat elk lugversorging, 'n TV met sekere DStv-kanale, verwarmers, gratis WiFi, tee- en koffiemaakgeriewe en 'n haardroër het. Die kamers is almal rondom 'n pragtige binnehof gerangskik en rus in die skadu van twee 100 jaar oue saffraanpeerbome. Elke kamer het 'n privaat ingang via die binnehof.

Gaste het toegang tot 'n privaat tuin met 'n swembad. Dit is die ideale plek om te ontspan na 'n lang dag of net die uitsig op die omliggende berge te bewonder.

Die restaurant op die perseel sit ligte middagetes en a la carte-etes voor, hetsy in die binnehof of voor die kaggel in die gesellige restaurant. Die karaktervolle kroeg is 'n lekker kuierplekkie waar 'n drankie voor of ná ete geniet kan word, of gaste kan van die omgewing se beste port en muskadel proe. Die wynlys bied die beste in plaaslike wyne wat enige wynliefhebber tevrede sal stel.

Montagu is 'n geskiedkundige dorpie in 'n pragtige wyn- en vrugtevallei en word deur prentjiemooi berg omring. Die dorp het natuurlike warmwaterbronne wat toeriste die perfekte geleentheid bied om die genesende aard van die waterbron te ervaar en is daagliks tot laat oop. Montagu bied prettige aktiwiteite soos 4x4-trekkerritte, bergklim, rotsklim, vierwielmotorfietsry, staproetes en spa-behandelings. Die omgewing het verskeie wynproeplekke, en die omliggende dorpies soos Barrydale, McGregor en Bonnievale is die ideale bestemmings vir daguitstappies. Montagu is 'n ware skat en het uitstekende restaurante en wynkroeë wat die ware Karoo-leefstyl van lekker kos en lekker wyn weerspieël.

Kry ’n Kwotasie