MonTQ Guest House

Gastehuis

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Langstraat 46, Montagu, 7405, Wes-Kaap
Vanaf R750 per nag (plek vir 2)

Beskrywing

MonTQ Guest House is gehuisves in 'n historiese grasdakmonument in die hartjie van die pragtige dorpie Montagu, op die bekende Roete 62.

Die gastehuis bied verblyf in 3 en suite-kamers wat elk toegerus is met lugversorging, 'n TV met sekere DStv-kanale, verhitting, gratis WiFi, tee- en koffiemaakgeriewe en 'n haardroër. Die kamers is almal rondom 'n bekoorlike binnehof geleë wat geskadu word deur twee 100 jaar oue Saffraanpeerbome. Elke kamer het 'n privaat ingang vanaf die binnehof.

Gaste het toegang tot 'n privaat en afgesonderde tuin met 'n swembad. Dit is die ideale plek om na 'n lang dag te ontspan of net die uitsig oor die omliggende berge te bewonder.

Die restaurant op die perseel bied ligte middagetes en à la carte-aandetes, hetsy in die binnehof of voor die kaggel in die knus restaurant. Die karaktervolle kroeg is 'n plek om te ontmoet vir 'n drankie voor of na ete of om van die beste Port en Muskadel in die gebied te proe. Die wynlys vertoon van die beste plaaslike wyne en sal selfs die vurigste wynliefhebber tevrede stel.

Montagu is 'n geskiedkundige dorp wat in 'n pragtige wyn- en vrugtevallei lê, omring deur skilderagtige berge. Die dorp het natuurlike warm minerale bronne waar mens die genesende eienskappe van die fonteine kan ervaar. Die fonteine is daagliks tot laat oop. Montagu bied doendinge soos 4X4-trekkerritte, bergklim, rotsklim, vierwielmotorfietsry, ontspanningstaptogte en spa-behandelings. Die area bied wynkelders, en die omliggende dorpe Barrydale, McGregor en Bonnievale is ideaal vir daguitstappies. Montagu is die tuiste van wonderlike restaurante en wynkroeë en weerspieël die ware Karoo-leefstyl fyn wyn en kos.

Kry ’n Kwotasie