Beskrywing

Morendat House bied gerieflike selfsorg-verblyf in ’n opgeknapte huis in ’n stil straat in die hartjie van Graaff-Reinet.

Dié huis is smaakvol versierd en het geelhoutvloere, hoë plafonne, en dik mure om die koel lug binne te hou. Die huis beskik oor 2 slaapkamers. Die eerste slaapkamer het 'n koningingrootte-bed en die tweede slaapkamer het 'n dubbelbed. Beide slaapkamers het lugversorging en 'n en suite-badkamer met 'n stort.

Daar is 'n kombuis en leefarea. Die kombuis is met ’n yskas, oond en stoof asook ’n skottelgoedwasser toegerus.

Die huis het ’n geplaveide binnehof met braaigeriewe en gaste het toegang tot gratis WiFi en parkeerplek op die straat.

Die huis is naby restaurante en winkels.