Mosselbaai See Uitsig

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 5de Laan 25, De Bakke, Mosselbaai, 6506, Wes-Kaap
Vanaf R3 800 per nag (plek vir 10)

Beskrywing

Mosselbaai See Uitsig is 'n ruim vakansiehuis in De Bakke in Mosselbaai. Die selfsorghuis is stapafstand vanaf Santos-strand, net 1,7 km vanaf die hawe en naby winkels en plaaslike besienswaardighede geleë. Dit is ideaal vir gesinne en vriendegroepe wat op soek is na 'n gerieflike en ontspannende wegbreek.

Die ruim huis bied slaapplek aan 10 gaste en beskik oor 4 slaapkamers. Die hoofslaapkamer het 'n koninggrootte-bed, TV teen die muur en 'n en suite-badkamer met 'n bad, wasbak en 'n toilet. Die tweede slaapkamer het 'n dubbelbed en die ander 2 slaapkamers het elk 'n dubbelbed en 'n enkelbed. Daar is 4 badkamers waarvan 1 'n bad en 'n toilet het en 2 storte, wasbakke en toilette het. Die laaste een is 'n aparte gastetoilet. Alle nodige linne en badhanddoeke word voorsien.

Die leefarea beskik oor 'n kombuis wat met 'n mikrogolfoond, stoof, oond, eetgerei, breekware, 'n lugbraaier, toonbank met stoeltjies en 'n Nespresso-masjien toegerus is. 'n Opwaskamer met 'n wasmasjien en 'n skottelgoedwasser is ook beskikbaar. Die eetarea het 'n tafel met stoele en die sitarea het gemaklike rusbanke, 'n kaggel en nog 'n TV teen die muur. Daar is ook 'n speletjieskamer met bordspeletjies, sitplek en 'n yskas. Gratis WiFi is beskikbaar.

Die balkon spog met 'n asemrowende see-uitsig en die tuin het 'n swembad. Daar is ook 'n binnebraai-area met sitplek. Veilige parkeerplek is in 'n dubbelmotorhuis op die perseel beskikbaar.

Kry ’n Kwotasie