Motsomi Lodge & Tent Camp

Lodge

Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Farm Franksvley KQ100, , Thabazimbi, 0380, Limpopo
Vanaf R960 per nag, vir 2 mense

Beskrywing

Voel hoe die klanke en kleure van die bosveld om jou vou terwyl jy die sonsopkoms bewonder.

Motsomi Lodge & Tent Camp is in die hartjie van die malaria-vrye Afrika-bosveld, 30 km noordwes van Thabazimi op die R510 na Lephalale geleë. Dit is die ideale oornagplek vir reisigers wat op pad is Botswana toe. Die somers is warm, maar dié omgewing gaan nie gebuk onder die versengende bedompigheid wat so eie aan die Oostelike Laeveld is nie.

Selfsorgverblyf word in albei kampe gebied. Ontbyt en ander maaltye is op versoek en teen 'n addisionele kostes beskikbaar.

Motsomi bied 'n tuiste vir 'n verskeidenheid diere, soos luiperds, jagluiperds en die wild kan te voet of gedurende wildritte en by uitkykplekke vir wildkyk of voëlkyk gewaar word. Geriewe by Motsomi sluit 2 sonkragverhitte swembaddens, 'n braaiplek langs die swembad en 'n onthaalarea in. Daar is ook lapas, 'n volgrootte-biljarttafel, 'n sitkamer en 'n kroeg-area met 'n TV.

Verkwik jou siel en voed jou gees. Span uit langs die kaggel, lê luilekker langs die rotspoel, geniet 'n mengeldrankie en ontspan 'n bietjie in die Jacuzzi.

Kry ’n Kwotasie