Muco Guesthouse

B&B

Kapasiteit: 18 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 6de-laan 3, Edenburg, Rivonia, 2191, Gauteng
Vanaf R750 per nag (plek vir 2)

Beskrywing

Muco Guesthouse is in die hartjie van die Noordelike Voorstede, die welgestelde deel van Johannesburg. Hierdie B&B-gastehuis is ideaal geleë in Rivonia, Sandton, naby aan 2 groot winkelsentrum en stapafstand van Sandton af. Die B&B is in 'n doodloopstraat in 'n baie veilige woonbuurt agter 'n sekuriteitshek.

Verblyf beskik oor 8 kamers en 1 selfsorgwoonstel, waarvan sommiges ’n privaat tuin het. Al die kamers word skoongemaak en sluit ontbyt, 'n yskassie of kroegie, 'n broodrooster, mikrogolf, verwarmer, kantoortjie, volledige DStv en ADSL-internet in. Die Jacaranda-suite is geskik vor 2 volwassenes en 2 kinders. Dit beskik oor ’n koningingrootte-bed, 2 enkelbeddens in die sitarea en ’n ten volle toegeruste kombuis.

Daar is 'n hooftuin met 'n swembad. Ons kan vervoer na- en van die lughawe af en 'n toergids reël op versoek. Ons maak voorsiening vir die plaaslike en die internasionale mark. Ons personeel praat Engels, Frans, Swahili, Kirundi (Kinyarwanda) en Zulu.

Dit is ook naby aan dokterspreekkamers, 'n poskantoor, banke, restaurante en selfs die snelweg na die lughawe (N1 en N3). Sandton City se sakekern is sowat 10 minute se ry van Muco af. Montecasino is ook naby vir diegene wat op soek is na vermaak of wil kyk of die geluksgod aan hulle kant is.

Kry ’n Kwotasie