Beskrywing

Mulberry Cottage is 'n selfsorg-kothuis op die Grootplaatsplaas net 28 km vanaf Murrysburg en 64 km vanaf Graaff-Reinet. Dié kothuis is die oorspronklike werkershuisie wat in ’n bestuurderskothuis omskep is en toe vir 20 jaar onbewoon is. Daarna is dit opgeknap en in ’n knus, gerieflike en privaat kothuis langs die Buffelsrivier omskep. Die kothuis is vernoem na die reuse-moerbeiboom in die agterplaas.

Op Grootplaats word daar met merinoskape, angorabokke en beeste geboer. Gaste kan gerus op die plaas kom voetslaan, die Karoovlaktes verken en die wildskampe besoek om die springbokke, koedoes en blesbokke te bekyk.

Mulberry Cottage is 'n privaat kothuis wat na die noorde front en volledig ingerig is. Daar is slaapplek vir 5 gaste en die kothuis beskik oor 2 slaapkamers, 1 badkamer, 'n kombuis, eetarea en 'n sitarea. Elke slaapkamer het 2 enkelbeddens en die badkamer het 'n stort, bad, toilet en 'n wasbak.

Die kombuis is goed toegerus met 'n gasstoof, mikrogolfoond, yskas-vrieskas, ketel en 'n broodrooster. Parafienlampies sorg saans vir 'n romantiese atmosfeer. Die eetarea het 'n ronde tafel met 4 stoele. Daar is 'n knus kaggel in die sitarea vir koue wintersaande. Buite is daar 'n oop, geplaveide patio met 'n braai-area aan die eenkant. 'n Druiwerpieel bedek die patio-area vir ekstra koelte.

Daar is 'n swembad langs die hoofhuis wat net 8 minute se rustige stap hiervandaan is. Gaste kan ook in die rivier swem en daar is 'n pragtige waterval net 'n entjie vanaf die kothuise.

Daar is tientalle doendinge op dié plaas, soos bergfietsry- en 4x4-roetes, en gaste kan ook die plaas gaan verken. Saans is die naghemel besaai met derduisende sterre en dis beslis iets om te aanskou. Die gashere, John en Judi Butterworth, sien uit daarna om die Karoo met gaste te deel.