Murray Gasteplaas

Selfsorg

Kapasiteit: 24 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Murray Plaas, Langs die R31, Askham, 8814, Noord-Kaap
Vanaf R800 per nag, vir 2 mense

Beskrywing

Murray Gasteplaas is op 'n plaas net 11 km van Askham af geleë en bied verblyf vir besoekers met slaapplek vir tussen 4 en 24 mense.

Gaste het 'n keuse van 4 selfsorg-eenhede en 'n Boskamp. Die 4 selfsorg-eenhede het elk 2 lugversorgde slaapkamers en 'n badkamer met 'n stort. Die kombuise is volledig toegerus met yskaste, mikrogolwe, stowe en oonde asook tee- en koffiemaakgeriewe. Elke eenheid het 'n sitarea en braaigeriewe is beskikbaar vir elke eenheid.

Die rietgeboude Boskamp is ideaal vir 'n groep of gesin van 8 en bestaan uit 4 slaapkamers wat elk met 2 beddens ingerig is. Matrasse, kussings en lakens word voorsien, maar gaste moet self enige ander beddegoed saambring. Die kamers deel die gebruik van 2 badkamers, en warm water word deur 'n houtvuurdonkie voorsien. Braaigeriewe is ook beskikbaar en hout word voorsien. Neem asseblief kennis dat die Boskamp nie elektrisiteit het nie, maar karavaanligte is beskikbaar wat met gaste se motorbattery aangesteek kan word.

Murray Gasteplaas is ideaal vir voëlkykers en gaste wat die stilte en skoonheid van die Kalahari wil ervaar. Gaste kan ook die DiamondT-koffiehuis in Askham of die Khomani San-plaas besoek wat net 25 km is. Die oostelike grens van die Kgalagadi Park is ook net 85 km weg.

Kry ’n Kwotasie