My Piece of Paradise

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Atlantic-rylaan 168, Yzerfontein, 7351, Wes-Kaap
Vanaf R5 790 per nag (plek vir 10)

Beskrywing

My Piece of Paradise is 'n selfsorghuis in die kusdorp Yzerfontein. Die vakansiehuis bied 'n pragtige uitsig oor die see en is die ideale basis vanwaar gaste hierdie deel van die Weskus kan verken.

Die dubbelverdiepinghuis het slaapplek vir 10 gaste en beskik oor 4 slaapkamers met en suite-badkamers en oopplan-leefarea en -kuierareas. Die hoofslaapkamer het 'n koningingrootte-bed en 'n en suite-badkamer met 'n stort en bad. Die tweede en derde slaapkamer het elkeen 'n dubbelbed en 'n en suite-badkamer met 'n stort. Die vierde slaapkamer het 'n dubbelbed, 2 stapelbeddens en 'n en suite-badkamer met stort.

Die kombuis is met 'n gasstoof, oond, yskas-vrieskas, mikrogolfoond, breekware, eetgerei, 'n wasmasjien en 'n skottelgoedwasser toegerus. Die aangrensende oopplan-leefarea het 'n groot etenstafel waar gaste hul maaltye saam kan geniet, sowel as 'n keramiek-kaggel, rusbanke en 'n TV met DStv. Hierdie leefarea lei na 'n onderdakstoep en beskutte braai-area.

Die huis het 'n speletjieskamer met 'n sitarea, pooltafel, tafeltennistafel, veerpyltjiebord en 'n jukebox. Daar is ook gratis WiFi en parkeerplek vir maksimum 3 voertuie. Klein tot mediumgrootte honde wat goed gemanierd is, is welkom indien dit vooraf gereël word.

Soms loop volstruise, bokke, muishonde en fisante vrylik in die fynbos agter die huis rond.

Kry ’n Kwotasie