Nambiti Plains

Wildsplaas

Kapasiteit: 14 persone
Geen kinders onder 8
Inkloktyd: 12:00 tot 14:00
Uitkloktyd: 10:00
Adres: Nambiti Wildreservaat, Elandslaagte, Ladysmith, 3370, KwaZulu-Natal
Vanaf R10 200 per nag, vir 2 mense
TGCSA-gradering:

Beskrywing

Nambiti Plains is 'n eksklusiewe, intieme lodge in die hartjie van die malaria-vrye Nambiti Wildreservaat. Dit spog met panoramiese uitsigte oor die oop vlaktes.

Dié ongerepte 8900 ha-reservaat het natuurlike waterbronne en 'n pragtige waterval langs die Sondagsrivier wat dit 'n unieke toevlugsoord maak.

Verblyf is in 3 wittebroodsuites en 4 luukse suites beskikbaar. Elke suite spog met 'n skuifdeur wat tot by die dak strek en 'n 180°-uitsig oor die vlaktes bied. Elke suite het 'n oopplan-badkamer met 'n groot klipbad en van die suites het ook lugversorging en buitestorte. Ander geriewe sluit tee- en koffiemaakgeriewe, tuisgebakte koekies, Franse dompelpotkoffie, yskassies, haardroërs, wasgoedmandjies en privaat kluise in. Elke suite het 'n ekstra lang koninggrootte-bed wat in 2 enkelbeddens omskep kan word.

Die lodge spog met groot klipkaggels en 'n versteekte swembad waar die olifante gereeld kom water drink. Die dek strek reg rondom die lodge en gaste kan die wild dophou wanneer hulle by die watergat voor die lodge kom drink.

Nambiti Plains bied daagliks 2 wildritte en ekstra uitstappies, soos erfenistoere, is beskikbaar.

Kry ’n Kwotasie