Beskrywing

Narina @ Magoebaskloof Getaway is minder as 3 ure se ry vanaf Pretoria en is 'n rustige toevlugsoord in die skilderagtige Magoebaskloof. Gaste kan vrylik die area verken, deur woude en langs die rivier stap, die ryk voëllewe geniet en, die Samango-aap gewaar. Visvang-entoesiaste kan vlieghengel in die 2 damme op die plaas geniet, een vol forel en die ander met baars, karp en kurper, te midde van die asemrowende natuurskoon van Magoebaskloof.

Dié eenslaapkamerkothuis bied slaapplek aan 2 gaste en het 2 enkelbeddens, asook 'n en suite-badkamer met 'n hoekbad, stort, wasbak en toilet. Linne en handdoeke word voorsien.

Die kombuis is met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe toegerus. Daar is ook 'n etenstafel met stoele. Die sitkamer het gemaklike rusbanke.

Die skuifdeure lei na die stoep met uitsigte oor die meer en het 'n draagbare braai. Hierdie eenheid is stapafstand vanaf albei damme.