Natures Valley Beach House

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 09:00
Adres: St Michaels-rylaan 35, Nature's Valley, 7130, Wes-Kaap
Tydelik onbeskikbaar

Beskrywing

Natures Valley Beach House is in die kusdorpie Nature's Valley langs die bekende Tuinroete geleë en word omring deur die Tsitsikamma Nasionale Park. Alhoewel daar geen see-uitsig of direkte strandtoegang is nie, is die huis 2 minute se stap vanaf die strand en strandmeer. Dit is die ideale vakansiebestemming vir gesinne of vriende.

Hierdie huis met slaapplek vir 9 het 4
slaapkamers. Daar is 1 slaapkamer met 'n dubbelbed en 'n en suite-badkamer, 1 met 2 enkelbeddens en 1 met 'n driekwartbed. Die tweede en derde kamer het 'n gedeelde badkamer. Daar is ook 'n anneks met 'n dubbelbed, 2 enkelbeddens en 'n en suite-badkamer. Die volledig toegeruste kombuis het 'n stoof, yskas-vrieskas-kombinasie, mikrogolfoond, wasmasjien en skottelgoedwasser. Daar is ook 2 sitareas asook 'n onderdakdek wat na 'n inheemse tuin kyk. Open View TV en 'n DVD-speler is beskikbaar. DVD's word ook voorsien.

Buite is daar 'n groot tuin wat kinders die vryheid gee om te speel. Daar is ook 'n buitestort met warm water. Bring asseblief jou eie strandhanddoeke. Daar is 'n lang dek met 'n 12-sitplek etenstafel asook 'n gemaklike sitarea. Alles onderdak.

Gaste kan die Tuinroete verken vanaf hierdie ideaal geleë wegbreek of bloot ontspan en die son geniet. Die kombinasie van see, strandmeer, inheemse woud, fynbos en berge komplimenteer die rustigheid van hierdie baie bekoorlike vakansiedorpie.