Newburg Lodge & Luxury Bush Tents
- Kapasiteit: 44 persone
- Alle ouderdomme is welkom
-
Inkloktyd: 14:00 tot 20:00
Uitkloktyd: 10:00 - Adres: Deel 9 Elandsfontein-plaas, Cyferfontein-weg KR4, Bela-Bela, 0480, Limpopo
- Vanaf R1 500 per nag, vir 2 mense
Beskrywing
Newburg Lodge & Luxury Bush Tents is in 'n vallei op die Newburg-plaas wat aan die Elements Privaat Gholfreservaat in die Waterbergstreek grens. Die naaste dorp is Bela-Bela wat 29 km ver is en die lodge is net 'n uur en 'n half se ry vanaf Pretoria. Die Newburg-plaas is 'n wildsplaas en het 'n verskeidenheid diere soos buffels, gemsbokke, koedoes, waterbokke, vlakvarke, njalas, wildebeeste en kameelperde. Dis ook 'n voëlkykersparadys. Die Newburg Lodge and Luxury Tents is net deur die Elements Privaat Gholfreservaat en 'n afstandbeheerde hek bereikbaar.
Selfsorgverblyf word in 5 luukse bostente, 2 wittebroodsuite-tente en 'n lodge met slaapplek vir 16 gaste aangebied.
Elke luukse bostent bied slaapplek aan 4 gaste en beskik oor 2 kamers met 'n seilskeiding. Die eerste kamer het 'n koninggrootte-bed, 'n plafonwaaier, lugversorging, 'n sitarea en 'n dubbelwasbak-eenheid en dit lei na 'n en suite-badkamer met 'n stort, toilet en 'n wasbak. Daar is ook 'n buitestort. Die tweede kamer het 2 enkelbeddens en 'n kombuisie wat met 'n yskas-vrieskas, mikrogolfoond, gasstoof, eetgerei en breekware toegerus is. Elke tent het 'n TV met DStv en lei na 'n onderdakstoep met 'n etenstafel en 'n ingeboude braai. Die wittebroodsuite-tente het elk 'n houtvuurwarmbad en 'n vuurput.
Al 7 tente kan saam vir 'n groep van 28 gaste bespreek word. Gaste het dan gebruik van 'n toegeruste kombuis, eetarea, ingeboude braai en 'n swembad.
Die grasdak-lodge bied slaapplek aan 16 gaste en beskik oor 4 en suite-chalets en 'n hooflodge-area. Elke chalet bied slaapplek aan 4 gaste en het 4 enkelbeddens en 'n en suite-badkamer met 'n losstaande bad, dubbelwasbak-eenheid, 'n toegeboude toilet en 'n buitestort. Die hooflodge-area het 'n toegeruste kombuis, 'n groot eetarea en 'n sitarea met 'n TV met sekere DStv-kanale. Buite is 'n groot onderdakdek met 'n etenstafel en 'n plonspoel vir die lodge se gaste. Daar is ook 'n groot boma met sitplek, ingeboude braaigeriewe en 'n vuurput vanwaar gaste die sterre kan aanskou. Parkeerplek is onder skadunet beskikbaar.
Al die tente en die lodge word daagliks skoongemaak.
Newburg Lodge, Honeymoon Suite Tents en Luxury Tents is sowat 200 m vanaf die privaat toegangshek tot die Elements Privaat Gholfreservaat en gaste kan van die geriewe by Elements gebruik maak indien hulle by Newburg bly. Dit sluit betaalde gholf, 'n swembad, tennisbane, bergfietsroetes en 'n restaurant in.
Resensies
Gaste se hoogtepunte
Ontmoet jou gasheer
Kyk 'n bietjie na die gasheer se rekord.
4.3/5
Danie Geverifieer
Eiendomme 1
Resensies 15
Op LekkeSlaap 2 jaar
Ligging
- Deel 9 Elandsfontein-plaas, Cyferfontein-weg KR4, Bela-Bela, 0480, Limpopo
- Gaste dink Newburg Lodge & Luxury Bush Tents het ’n goeie ligging
- Kapasiteit: 44 mense
- Alle ouderdomme is welkom
-
Inkloktyd: 14:00 tot 20:00
Uitkloktyd: 10:00 - Adres: Deel 9 Elandsfontein-plaas, Cyferfontein-weg KR4, Bela-Bela, 0480, Limpopo
Welkom by LekkeSlaap
Welkom terug!
Verander jou wagwoord?
Sluit by ons nuusbrief aan!
Skep ’n profiel om jou besprekings te bestuur
Teken by jou LekkeSlaap-profiel in
Vul jou e-posadres in om te begin
Teken in om spesiale aanbiedinge te ontvang