Heerlik Wonderlike verblyf en jy verkyk jou aan die slim ingerigte huis en dekor. Ons het net gesukkel met die WiFi en televisie, en kon dit nie gebruik nie.

Amazing house with many features. A wonderful place to stay and relax. We will be back for longer.

Wow, wow. Die Nieuwehuyz is wow, wow, wow! Dit is 'n pragtige huis met alles wat mens se hart begeer en meer. Dit is 'n "huis weg van die huis". Die ligging is loopafstand van die restaurante en winkeltjies. Ek sal vir seker teruggaan na hierdie ongelooflike gastehuis.

Beslis een van die beter plekke waar ons nog op LekkeSlaap bespreek het. Baie skoon, gemaklik, heerlike bedlinne en die verhitte handdoekreling is 'n plus. Dit het gevoel soos huis, veral toe ek die Tivioli FM radio langs die bed sien. Die eienaar gee aandag aan klein details. Die biblioteek van boeke en versameling van goetertjies maar die plek interessant. Die kombuis is baie goed toegerus. Ons het lekker gekuier. Vriendelike Jacqueline was stiptelik om my by die huis in te wag. Dankie vir die geskenkpakkie met olyfolie, koekies en afslagkoepons.

Heerlike bederfverblyf. Ons was aangenaam verras met al die wonderlike bederfies in die verblyf. Daar is hope om te geniet, buiten die dorpie self, kan jy jouself heerlik bederf met verskeidenheid van musiek en leesstof. Die eienaar het voorwaar baie moeite gedoen om sy gaste in te lig oor die omgewing, die dorpie, en ook die boustyl. Regtig elke ster werd!

Regtig baie spesiaal! Ons was in Nieuwehuyz vir 'n week en het dit waarlik baie geniet! Skitterende afwerking en baie boeke en interessante dinge om mee besig te bly.

Ongelooflik goed ingerigte en baie netjiese gastehuis! Nieuwehuyz is werklik 'n pragtige en baie interessante gastehuis waar 'n mens jou kan verlustig in die stilte, die boeke en die smaakvolle dekor. As ek Prins Albert weer besoek is Nieuwehuyz my eerste keuse. Nina het ons baie vriendelik ontvang en ondersteun met al ons navrae. Baie dankie!

Wonderlike gerief en rustigheid. Lieflike tuiste met heerlike kaggel, toegeruste kombuis, instapstort en snoesige bed. 6 sterre werd.

Skoon, netjies en uitstekend toegerus. Aangename eienaar en personeel. Baie behulpsaam en alles wat jy mag nodig kry is voorsien.

Sien sterre. Die verblyf was lieflik en ongelooflik goed geleë! Baie dankie vir alles!