Nivica Lifestyle Apartment

Selfsorg

Op die Nippertjie-aanbod 25% af

Kry 25% af op alle besprekings wat 2 dae of minder voor jou verblyf gemaak word. Hierdie aanbod is altyd geldig.

Kapasiteit: 6 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Jon Olafsson-weg 59, Olifantskop, Langebaan, 7357, Wes-Kaap
Vanaf R2 200 per nag (plek vir 6)

Beskrywing

Nivica Lifestyle Apartment is 'n pragtige selfsorgwoonstel met moderne kenmerke in 'n veilige kompleks in Olifantskop, Langebaan aan die Weskus. Dit is ideaal vir 'n gesinsvakansie aangesien dit reg oorkant 'n groot, gemeenskaplike swembad is.

Die woonstel is op die grondverdieping en bied slaapplek aan 6 gaste. Dit beskik oor 2 slaapkamers en 'n badkamer met 'n stort, wasbak en toilet. Die hoofslaapkamer het 'n dubbelbed en die tweede slaapkamer het 2 enkelbeddens. Alle linne en badhanddoeke word voorsien, maar gaste moet hul eie swemhanddoeke saambring.

Die oopplan-leefarea beskik oor 'n kombuis wat met 'n stoof, oond, mikrogolf, yskas-vrieskas, eetgerei, breekware en 'n sentrale eiland met stoeltjies toegerus is. 'n Wasmasjien en tuimeldroër is ook beskikbaar. Die kombuis lei na 'n sitarea met 'n dubbelslaapbank en 'n slim-TV met Netflix, Disney+, YouTube en DStv Now. Gratis, onbeperkte WiFi is beskikbaar. Daar is ook 'n paar bordspeletjies.

Skuifdeure lei na 'n onderdakstoep met 'n tafel, stoele en ingeboude braaigeriewe. Dit is die ideale plekkie vir 'n oggendkoffie of 'n skemerkelkie met 'n uitsig oor die swembadarea.

Die kompleks is stapafstand van die strand af en is naby die Weskus Nasionale Park, die Langebaan-strandmeer, Laguna Mall, Club Mykonos-oord en Casino en gewilde restaurante. Plaaslike aktiwiteite sluit waterponieritte, vierwielmotorfietsritte, sonsondergang-bootvaarte, vlieërplankry en gholf in.

Kry ’n Kwotasie