Asemrowende stukkie bosveld. Fantasties! Die een woord som Njala Lodge op! Nuwe skoonmaakdienste is ingekry en jy kan die plek deur 'n ring trek! Dit is 'n groot huis met baie om te doen, van pool speel, tafeltennis tot 'n swembad. Daar is ook DSTV. Die kombuis is baie goed uitgerus en daar is 2 yskaste met vriesgedeeltes en ook 'n groot boksvrieskas. Die hoofhuis het 3 slaapkamers en die 2 vleuels laat genoeg privaatheid toe, terwyl mens steeds deel is van die hoofhuis. Die lapa met braai en boma was elke dag 'n treffer, waar ons tot laat kon om die vuur sit en kudus, njalas, vlakvarke en zebras het ons hier besoek.

Diere het ons baie bederf met hul kuiers. Wat 'n lieflike plek.

Voorsiening vir beurtkrag, matrasse nie mooi skoon, huis nie mooi skoon. Ja, dankie. Gerieflik vir 'n groot groep.

Lekker gekuier, maar teleurgesteld in reaksie op probleme. Vele probleme met slotte. Geen snippermandjie op boonste vloer. Geen handdoekreling of hakies in boonste badkamer. Geen spieël in boonste badkamer en slegs klein handspieël in boonste slaapkamer. Ook glad nie toeganklik vir oumense nie, baie trappe. Kombuis is goed toegerus en lapa en swembad lekker kuierarea!

Njala Lodge is ideaal vir groot groep mense, maar het hele paar foute! Njala Lodge is ideaal vir groot groep en elkeen het hul eie privaatheid, maar word nie onderhou nie! Een van die kamers se stortdreine was geblok en agv dit was badkamer en kamers onder water - ons het geskakel en 'n baie vriendelike dame het dit die volgende dag dadelik uitgesorteer. Ons het nie warm water gehad om te stort nadat een persoon gestort het of om skottelgoed te was nie en het vir 3 uit 4 dae koue storte gehad. Iets het die krag getrip en ons het nie geweet dat die krag getrip het nie aangesien dit buite by die paal getrip het, ons was die eerste dag heeldag sonder krag want ons het gedink die hele buurt is af net om die aand te sien dat die buurman wel krag het en hy ons kom wys het waar om dit aan te sit daarna het die krag tenmisnte 3 tot 4 keer per dag getrip. Ons het geen idee wat dit kon wees nie want ons het nie iets aangehad teen die tye wat dit trip nie. Yskaste het ook nie koud gemaak nie. Ek sal ook aanbeveel dat sifdraad voor venster gesit word ons kon nie vensters oop maak deur die dag of aand nie want daar is niks voor vensters wat keer vir muskiete of ape of enige ongewenste gaste nie. Omdat niks kan oop nie het plek bedompig geruik en gevoel. Braaier was vuil gewees en die swembad het definitief chloor gekort. As die klein goedjies uitgesorteer word, veral die krag en warm water, kan Njala Lodge 'n heerlike plek wees vir groot famlies of vriende,.

Gesellig. Ons was 'n groot groep mense en daar was genoeg plek vir almal.

Baie lekker. Dit is ideaal vir 'n groep vriende of familie wat saam wil kuier maar nogsteeds bietjie privaatheid soek. Baie ruim en skoon.

Die huis was verskriklik vuil en het bedgoggas! Die huis is lekker groot en ruim, maar almal van ons was vol bytmerke gewees! Die aircons was 'n teleurstelling. Ek was nie bewus van die feit dat dit nie deel van die blyplek was nie. As ek dit geweet het, sou ek n ander plek oorweeg het! Die water van die storte het nie uitgeloop nie en die stort bo het nie eers 'n stort kop gehad nie!

Nie baie skoon nie en nie genoeg fans/aircon. Die meubels en matte was nie baie skoon nie. Daar moet definitief nog fans of aircons wees.

Will go again anytime! We had an amazing time and will recommend Njala Lodge to all of our friends. We will be going back as soon as we can.