Beskrywing

No 1 Avignon is ‘n selfsorgwoonstel op die onderste verdieping in die veilige Avignon-kompleks in Uvongo. Dié kompleks is in ‘n stil area, 500 m van die St. Michaels-hoofstrand af.

Dié woonstel het slaapplek vir 6 en beskik oor 3 kamers, 2 badkamers en ‘n oopplan-kombuis, -eetarea en -leefarea. Die eerste kamer het ‘n koningingrootte-bed en ‘n en suite-badkamer met ‘n toilet en wasbak. Die tweede en derde kamer het 2 enkelbeddens en die tweede badkamer het ‘n bad, toilet en wasbak.

Die kombuis is toegerus met ‘n stoof, oond, yskas-vrieskas, mikrogolf en skottelgoedwasser. Die eetarea het ‘n etenstafel en die sitarea het gemaklike sitplek en ‘n platskerm-TV.

Daar is onderdakparkeerplek vir 1 voertuig en ekstra parkeerplek in die kompleks.