North Beach Durban Apartment

Selfsorg

Kapasiteit: 4 persone
Alle ouderdomme is welkom
Inkloktyd: 15:00 tot 22:00
Uitkloktyd: 10:00
Adres: Sol Harris-singel 41, North Beach, Durban, 4001, KwaZulu-Natal
Vanaf R1 100 per nag (plek vir 4)

Beskrywing

North Beach Durban Apartment is naby Durban se wêreldklas voetgangerpromenade geleë. Die selfsorgwoonstel is in 'n veilige kompleks in die North Beach-area van Durban geleë. Hierdie stylvolle woonstel is ideaal vir gaste wat op soek is na gerieflike verblyf, naby die strand en 'n verskeidenheid ander besienswaardighede.

Dié woonstel het slaapplek vir 4 gaste en beskik oor 'n sitkamer, kombuis, twee slaapkamers en een badkamer, en is smaakvol versier. Die slaapkamers is toegerus met 'n koningingrootte-bed in die hoofslaapkamer, twee enkelbeddens in die tweede slaapkamer, en deel 'n badkamer wat 'n stort, toilet en wasbak het.

Die leefarea is oopplan, en die goed toegeruste kombuis bevat 'n yskas-vrieskas, 'n mikrogolfoond, 'n stoof met 'n oond, asook ingeboude kaste om breekware en eetgerei te stoor. Die sitkamer het 'n gemaklike bank en daar is 'n TV met DStv Compact Bouquet en 'n skuifdeur maak oop op 'n balkon, waar uitsigte oor die omgewing bewonder kan word.

Die kompleks bied ook 'n gemeenskaplike swembad asook 24 uur-sekuriteit en veilige parkeerplek binne die kompleks teen 'n ekstra koste.

Die North Beach Durban Apartment is stapafstand vanaf The Beach, Suncoast Casino Vermaaksentrum, Moses Mabhida Sokkerstadion, Kings Park-swembad, Ushaka Marine World en Summer Square Pick n Pay, North Beach Spar en Tops. Durban-hawe en Durban ICC is 5 km se ry.

Daar is ook nog 'n woonstel te huur wat 'n bykomende 4 gaste kan akkommodeer. Dit is in dieselfde woonstelkompleks geleë. Gaste moet navraag doen.

Kry ’n Kwotasie