Beskrywing

Nuanetzi Game Lodge bied 'n toevlugsoord tussen die voorheuwels van die Waterberge, 19 km van Mookgopong af wat voorheen as Naboomspruit bekendgestaan het. Die lodge bied gerieflike selfsorg-akkommodasie en die ideale plek om na weg te breek in Limpopo se Bosveld.

Dit is in 'n malariavrye omgewing, 2 ure se ry van Johannesburg en 'n uur se ry van Bela-Bela af. Die ligging maak dit die ideale plek vir 'n naweekwegbreek of wegbreek in die week waar gaste in 'n rustige omgewing kan ontspan. Ons bied akkommodasie in 4 grasdak-chalets en 'n grasdak-chalet van klip. Die grasdak-chalets het slaapplek vir tot 4 gaste en beskik oor 'n slaapkamer, 'n badkamer, 'n sitarea en 'n kombuis. Gaste het toegang tot hulle eie privaat uitkykdek met 'n uitsig oor die watergat waar wild kom drink en wei.

Dié Stone Chalet het ook slaapplek vir 4 gaste en beskik oor 2 slaapkamers, 'n en suite-badkamer, 'n buitekombuis en 'n opelug-stort. Daar is geen TV's of DStv in die eenhede nie. Elke chalet het sy eie braaigeriewe en is loopafstand van die parkeerplek, ontvangs, boma en swembad af geleë.

Die loge bied 'n oorvloed wild en voëllewe met meer as 12 wildspesies en meer as 300 voëlspesies. Die natuurlike omgewing sluit ook 'n verskeidenheid inheemse flora in wat tipies aan die Waterberg-streek is. Daar is 'n swembad, swembadkroeg, Sekelbos-koffiekroeg en 'n vermaakarea vir gaste. Gaste kan 2 keer 'n dag wildritte doen, wildwandelings onderneem of op die dek van die chalet sit en kyk hoe die wild by die watergat kom water drink.