Beskrywing

Oak Leaves Cottage is 'n bekoorlike selfsorg-tuinkothuis op die eienaars se perseel in Clarens in die Vrystaat. Die kothuis is apart van die hoofhuis en bied privaatheid.

Die luukse kothuis is ideaal vir 'n paartjie en het 'n oopplan-uitleg. Die slaapkamer het 'n dubbelbed met perkallinne en 'n elektriese kombers. Die badkamer het 'n stort, toilet en 'n wasbak.

Die kombuisie is met 'n yskas, eetgerei, breekware, mikrogolf, koffiemasjien en ander klein toebehore toegerus. Daar is ook 'n ontbyttoonbank met 2 stoeltjies. Die kothuis het lugversorging, 'n platskerm-TV met DStv en lei na 'n stoep met draagbare braaigeriewe.

Clarens bied verskeie doendinge, soos kunsvlieghengel, voetslaan, perdry en 4x4-avonture. Die dorp is naby die Golden Gate Nasionale Park en is die ideale oornagplek op pad na Lesotho.