Oakdene Guest House

B&B

Kapasiteit: 14 persone
Geen kinders
Inkloktyd: 14:00 tot 18:00
Uitkloktyd: 10:00
Adres: Baron van Reede-straat 99, Oudtshoorn, 6625, Wes-Kaap
Vanaf R1 400 per nag, vir 2 mense
TGCSA-gradering:

Beskrywing

Oakdene Gastehuis is in die hartjie van Oudtshoorn geleë. Die karakter van die gastehuis vertel die storie van 'n era wat verby is ? die bloeitydperk van volstruisvere. Dié bekoorlike Victoriaanse huis is een van die oudste huise in Oudtshoorn en dateer uit 1853. Oakdene is in 1988 as 'n Nasionale Monument verklaar.

Oakdene het 6 ruim slaapkamers met en suite-badkamers, toegerus met 'n bad of stort. Al die kamers is privaat en het lugversorging, 'n platskerm-TV met sekere DStv-kanale, WiFi-toegang, kluis, haardroër, badgeriewe en tee- en koffiemaakgeriewe. Gaste kry ook elektriese komberse in die winter en ander geriewe om jou verblyf aangenaam te maak. Die nuwe tropiese tuin en swembad, tuinmeubels, sonstoele en sambrele is ideaal vir sonnige dae. Ontbyt word bedien in die plaaskombuis of buite op die patio wat op die tuin uitkyk. Veilige onderdak-parkeerplekk is beskikbaar op die perseel.

Oakdene is beskut onder akkerbome in die middel van Oudtshoorn, op die hoof-toeristeroete. Ons is stapafstand vanaf die middedorp en bekende restaurante waar jy plaaslike wyne en heerlike volstruis-steaks kan geniet. Sedert Julie 2017 is Oakdene onder nuwe Belgiese eienaarskap en 'n 3 maande lange opknapping sal dié huis se historiese Victoriaanse karakter opnuut na vore bring.

Kry ’n Kwotasie