Ocean Breeze

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 07:00
Adres: Ocean View-weg 6, Marina Beach, Southbroom, 4281, KwaZulu-Natal
Vanaf R1 500 per nag (plek vir 8)

Beskrywing

Ocean Breeze is 'n selfsorg-vakansiehuis in Marina Beach in KwaZulu-Natal. Dié area is net suid van Margate tussen die dorpies San Lameer en Southbroom. Die huis is naby die hoofstrand en strandmeer waar besoekers kan visvang.

Die huis het slaapplek vir 8 gaste en beskik oor 3 slaapkamers, 2 badkamers en 'n buitekamer met 'n en suite-badkamer. Die hoof- en tweede slaapkamer het dubbelbeddens en die derde kamer het 2 enkelbeddens. Die buitekamer het ook 'n dubbelbed.

Die kombuis is toegerus met 'n stoof, oond, yskas-vrieskas, mikrogolf, eetgerei en breekware. 'n Wasmasjien is in die motorhuis beskikbaar. Die eetarea het sitplek vir 6 gaste en die sitkamer het 'n gemaklike sitkamerstel en 'n platskerm-TV met 'n DStv-koppelpunt. Gaste kan hul eie dekodeerders en slimkaarte bring.

Die balkon het 'n tafel en stoele en bied 'n uitsig oor die swembad en die see. Die perseel is omhein en het 'n alarmstelsel.

Gaan stap in die dorpie of op die strand en geniet Marina Beach se natuurskoon en diere. Daar is apies, bosbokke, blouduikers en verskeie voëls in die omgewing. By Marina Beach se ingang is 'n winkeltjie, en in die dorpie is 'n pizzaplek, kwekery en die gewilde Blouvlagstrand met 'n restaurant en getypoel.

Kry ’n Kwotasie