Ocean Breeze

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Forest-rylaan 94, Umhlanga Rocks, 4319, KwaZulu-Natal
Vanaf R3 825 per nag (plek vir 8)

Beskrywing

Ocean Breeze is 'n uitgestrekte villa geleë in een van Suid-Afrika se bekendste vakansiebestemmings, Umhlanga Rocks. Dit is ook net 'n hanetreetjie van die strand af geleë, wat dit 'n wonderlike opsie maak vir 'n kuswegbreek saam met familie en vriende.

Dié drieverdiepingvilla bied slaapplek vir tot 8 gaste op 'n slag en beskik oor 4 slaapkamers met 4 en suite-badkamers. Die hoofslaapkamer is ingerig met 'n koninggrootte-bed en beskik oor 'n instapkas en 'n volledige en suite-badkamer. Daar is nog 2 slaapkamers wat elk 'n koningingrootte-bed het, terwyl die vierde slaapkamer 'n koninggrootte-bed het. Die oorblywende en suite-badkamers is ook toegerus met 'n bad en 'n stort. Alle linne en badhanddoeke word voorsien; gaste moet egter hul eie swemhanddoeke saambring.

Die ruim leefarea beskik oor 'n stylvolle kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook tee- en koffiemaakgeriewe. Die oopplan-sitarea beskik oor 'n knus TV-hoekie met DStv asook 'n eetarea waar gaste hul maaltye saam kan geniet. Boonop het hierdie ruimte 'n formele sitarea met 'n klavier. Toegang tot gratis WiFi is beskikbaar.

Hierdie eiendom bederf ook met 'n binnenshuise onthaalarea op die grondvlak met 'n sithoekie, 'n kroeg en 'n pooltafel. Buite is daar 'n lieflike tuin, 'n sonnige patio met buitesitplek, braaigeriewe, 'n jacuzzi en 'n sprankelende swembad waar gaste kan afkoel op daardie warm somersdae. Veilige parkeerplek is op die perseel beskikbaar en gaste het direkte toegang tot die Umhlanga-hoofstrand.

Kry ’n Kwotasie