Ocean Mist

Selfsorg

Soos Gesien op Instagram
Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Milkwood Glen, Keurboomstrand, Plettenbergbaai, 6600, Wes-Kaap
Vanaf R7 200 per nag (plek vir 8)

Beskrywing

Ocean Mist is 'n pragtige strandhuis op 'n privaat landgoed langs die kus in Keurboomstrand naby Plettenbergbaai. Dis ideaal vir gesinne, wittebroodpaartjies of vakansiegangers wat na ruimte, vrede, natuur, luilekker dae en lekker lang stappies smag.

Daar is 4 slaapkamers, 'n oopplan-leefarea en 'n TV-kamer wat alles na buite lei. Buite is daar 'n etenstafel onder 'n rietbedekking en 'n swembad met 'n swembad-net. Gaste het ook toegang tot WiFi.

Twee slaapkamers het 'n koninggrootte-bed en die ander 2 slaapkamers het elk 2 enkelbeddens. Die eerste 3 slaapkamers het elk 'n en suite-badkamer en twee van die en suites het elk 'n toilet, bad en 'n stort. Die laaste en suite het 'n toilet en 'n stort.

Ocean Mist spog met pragtige grasperke wat na Keurboom se ongerepte strand lei en mis wat van die see af instoot. Gaste kan 'n uitsig oor die oseaan geniet, na die brekende branders luister en die skilderagtige Keurboomstrand te voet gaan verken. Sekere maande in die jaar kan jy selfs snags die walvisse hoor blaas. Daarbenewens is Ocean Mist ideaal geleë om die Tuinroete te verken.

Keurboomstrand is nog ongerep en hiér kan gaste ver op 'n mistige strand gaan stap en privaatheid kan geniet.

Kry ’n Kwotasie