Ocean Park View Townhouse

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 20:00
Uitkloktyd: 10:00
Adres: Braeside-weg 3, Groenpunt, Kaapstad, 8051, Wes-Kaap
Vanaf R8 500 per nag (plek vir 6)

Beskrywing

Ocean Park View Townhouse is 'n kontemporêre selfsorghuis in die hartjie van Groenpunt. Die eiendom is sentraal geleë naby alle geriewe, insluitend parke, restaurante en die V&A Waterfront, wat dit ideaal maak vir vakansie- of sakereisigers.

Dié gerieflik gemeubileerde huis bied slaapplek aan 6 gaste en beskik oor 3 slaapkamers en 2 badkamers. Die ruim hoofslaapkamer het 'n privaat patio met see-uitsigte, is ingerig met 'n koningingrootte-bed en beskik oor 'n en suite-badkamer met 'n bad, stort, toilet en wasbak. Die tweede slaapkamer het 2 enkelbeddens, terwyl die derde slaapkamer 'n enkelbed sowel as 'n slaapbank het. Hierdie slaapkamers deel 'n badkamer met 'n stort, toilet en wasbak.

Die kombuis is volledig toegerus met 'n stoof, konveksie-mikrogolfoond, broodrooster, tee- en koffiemaakgeriewe, eetgerei en breekware, asook 'n ontbyttoonbank met stoele. Van die kombuis af lei 'n 6-8 sitplek-eettafel waar gaste hul maaltye saam kan geniet asook 'n sitarea waar gaste kan ontspan.

Daar is 'n knus sitkamer met gemaklike rusbanke, 'n slim-TV en 'n kaggel vir daardie koue winteraande. Vir diegene wat bietjie werk wil kry, is 'n lessenaar en gratis WiFi in die slaapkamers beskikbaar. Buite die huis is daar 'n patio met braaigeriewe en buitemeubels, wat 'n ideale plek is vir 'n oggendkoffie of 'n skemerkelkie. 'n Enkelmotorhuis is beskikbaar om een motor te parkeer. 'n Bykomende klein motor kan in die straat buite die motorhuis geparkeer word.

Kry ’n Kwotasie