Ocean Whisper

Beskrywing

Ocean Whisper is 'n ruim, luukse woonstel met 'n uitsig oor die pragtige Westbrook Beach en is tussen Ballito en La Mercy aan die Dolfynkus, KwaZulu-Natal se noordkus, geleë. Dit is net 1 minuut vanaf die strand.

Die woonstel beskik oor 3 slaapkamers en 2 badkamers en bied slaapplek aan 6 gaste. Die eerste slaapkamer het 'n koningingrootte-bed en 'n en suite-badkamer met 'n bad en 'n stort. Die tweede slaapkamer het 'n dubbelbed en daar is 2 enkelbeddens in die oorblywende slaapkamer. Die gastebadkamer het 'n bad en 'n stort. Badhanddoeke word voorsien, maar gaste moet asb. hul eie strandhanddoeke saambring.

Die oopplan-leefarea het 'n etenstafel met stoele en 'n sitarea met 'n gemaklike rusbank en 'n TV met die volle DStv-pakket. Die kombuis is met 'n yskas-vrieskas, stoof, oond, mikrogolf, skottelgoedwasser, wasmasjien en 'n tuimeldroër toegerus.

Die sitarea het groot glasskuifdeure wat na 'n stoep met see-uitsigte, sitplek en 'n etenstafel met sitplek vir 6 lei.

'n Kort brug lei na die woonstel se netjiese, privaat daktuin met asemrowende uitsigte. Gaste het ook toegang tot die gemeenskaplike swembad op die vierde verdieping. Die strand kan maklik deur die voorste hek oorkant die pad bereik word.

Die woonstel is naby Blouvlagstrande, restaurante en winkelsentrums. Braaigeriewe, gratis WiFi en veilige parkeerplek is beskikbaar.