Oewerzicht Farm Cottages

Selfsorg

Soos Gesien op Facebook
Kapasiteit: 40 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Krige-weg, Oewerzichtplaas, Greyton, 7233, Wes-Kaap
Vanaf R1 500 per nag (plek vir 2)

Beskrywing

Oewerzicht Farm Cottages is in die rustige en skilderagtige Greytonvallei, slegs 9 km vanaf Greyton geleë. Dié plaas produseer vars appels en pere vanaf Januarie tot Mei. Die res van die 600 hektaar-plaas is vol koring, 'n groot trop skape en, as mens gelukkig is, kan jy 'n trop ribbokke sien wat vrylik op die plaas rondbeweeg. Voëlliefhebbers sal ook onder meer bloukraanvoëls, sekretarisvoëls en tarentale kan gewaar.

Verblyf word in verskeie selfsorgkothuise gebied wat in almal se behoeftes voorsien. Die Stone Cottages is aan die rivier-oewer geleë en elkeen het 'n koninggrootte-bed, 'n en suite-badkamer, 'n kombuis met 'n binnebraai wat lei na 'n houtdek met 'n privaat houtvuurwarmbad, 'n kaggel en 'n privaat stoep met braaigeriewe. Elke warmbad sal met aankoms aangesit word en addisionele hout kan vooraf by die kantoor gekoop word.

Daar is 3 plaaskothuise sowat 50 m vanaf die rivier genaamd Bergzicht, Welgelee en Citrus. Bergzicht en Welgelee is semi-losstaande. Een van hierdie eenhede het 'n dubbelbed en die ander het 'n koningingrootte-bed. Albei eenhede het 2 enkelbeddens in die leefarea. Verder het elke kothuis ook 'n binne- en buitebraai-area en 'n lieflike, groot stoep. Welgelee het 'n privaat warmbad. Citrus se hoofslaapkamer het 'n koningingrootte-bed en 'n en suite-badkamer, die tweede slaapkamer het 'n dubbelbed en 2 enkelbeddens en die woonstel het 'n dubbelbed en 'n privaat warmbad op die stoep.

Die Uitsig-area het 4 losstaande kothuise langs mekaar wat rivier- en berge-uitsigte bied. Elke kothuis het 2 slaapkamers en 2 badkamers. Een kamer het 'n koningingrootte-bed en die ander kamer het 2 enkelbeddens. In elke eenheid is daar 'n oopplan-kombuis en -leefarea met buitebraaigeriewe. Hierdie kothuise het ook 'n swembad tussen hulle. Uitsig 1, 2, 3 en 4 het privaat warmbaddens op die stoepe.

Al die kothuise is volledig toegerus met al die belangrike toebehore. Badhanddoeke en linne word voorsien.

Gaste is welkom om op die plaas te wandel of hulle eie bergfietse saam te bring.

Kry ’n Kwotasie