Old Mill No. 5

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Mountain Fly Fishing, Magoebaskloof, Haenertsburg, 0730, Limpopo
Vanaf R1 200 per nag (plek vir 2)

Beskrywing

Old Mill No. 5 bied selfsorgverblyf op die plaas Mountain Fly Fishing van 300 hektaar, in die Magoebaskloof-omgewing, buite Haenertsburg, Limpopo. Dié kothuis is ideaal vir gaste wat op soek is na 'n wegbreek in die natuur.

Dié kothuis bied slaapplek aan 2 gaste en beskik oor 'n oopplan-slaapkamer en 1 badkamer. Die slaapkamer het 2 enkelbeddens en die badkamer het 'n stort, wasbak en toilet. Linne en handdoeke word voorsien. Daar is 'n donkie-ketel wat die water warm maak.

Die kombuisie is met 'n yskas-vrieskas, tweeplaatgasstoof, mikrogolf, eetgerei, breekware, en tee- en koffiemaakgeriewe toegerus. Daar is ook 'n kaggel en 'n etenstafel. Die kamer lei na 'n balkon met 'n piekniektafel en 'n uitsig oor die dam.

Gaste het toegang tot 'n braai, parkeerplek op die perseel en 5 foreldamme op 'n privaat perseel. Hierdie verblyf is ideaal vir voetslaan, bergfietsry, vierwielmotorfietsry en voëlkyk. Mountain Fly Fishing is ongeveer 14,4 km buite Haenertsburg waar gaste plaaslike geriewe, soos winkels en restaurante kan vind.

Kry ’n Kwotasie