Old Stable

Beskrywing

Old Stable is 'n bekoorlike, opgeknapte ou stal met 'n privaat ingang op 'n gedeelde perseel in Colesberg. Dit is ideaal vir 'n paartjie wat op soek is na 'n gerieflike oornagplek.

Die eenheid het slaapplek vir 2 gaste en beskik oor 'n oopplan-slaaparea en 'n aparte badkamer. Die slaaparea het 'n koningingrootte-bed en die badkamer het 'n stort, toilet en 'n wasbak. Linne en badhanddoeke word voorsien.

Die eenheid is met 'n mikrogolfoond, koffie- en teemaakgeriewe, yskassie en draagbare lugversorging toegerus. Daar is ook 'n slim-TV met Netflix, Amazon Prime Video en gratis WiFi.

Buite is daar 'n onderdakstoep met 'n tafel en stoele, draagbare braaigeriewe en 'n bankie in die tuin waar gaste kan sit en die voëls se gekwetter kan geniet. Beperkte toesluitparkeerplek is beskikbaar indien dit vooraf gereël word.