Rusplek na 'n vermoeiende reis, 'n salige oase! Dit was die 2de keer wat ons by Oliveira oornag het en dit was so lekker en tuis soos die 1ste keer! Baie huislik, baie gawe gasvrou en -heer, netjies en alles wat mens nodig het. Rusplek vir 'n moeë siel na 'n uitmergelende reis. Baie dankie!

Juweel in die Karoo. Wat 'n heerlike kuier. Die plek is lieflik met alles wat jy nodig het en nog meer. Heerlike braaiplek, oorgenoeg spasie en selfs lugverkoeling en WiFi. Jou motor is veilig agter 'n skuifhek en daar is genoeg spasie vir 'n waentjie. Die gasvrou is lieflik en het ons vooraf van alle moontlike inligting en aanwysings voorsien. Williston het tans erge waterbeperkings en sy het ook seker gemaak dat daar genoeg water vir drink en spoel van die toilet was vir die tye wanneer die water af is. Absolute juweel in die Karoo! Sal definitief weer daar bly.

Mooi en lekker skoon. Netjies en skoon. Goeie keuse. Dankie.

Baie verbruikersvriendelik. Netjies en skoon. Ons verblyf was gerieflik. Die plek was netjies en mooi versier.

Lekker gebly en lekker geslaap. Pragtige en netjiese plek.

Ons het lekker gekuier en heerlik gebraai. Dit was 'n welkome rusplek na heeldag op die pad. Ons kon lekker braai en het die nodige geriewe gehad. Beddens en beddegoed was great! Ons sal beslis weer teruggaan. Dit was netjies en alles het goed gewerk.

Heerlik rustig. Alles was skoon en gerieflik. Ons het heerlik gebly.

Olivera - self catering se standaarde gee die pas aan. N Oasis in die Karoo. Die verblyf was uitstekend.

Baie lekker oorslaap eenheid in Williston. Wat 'n wonderlike selfsorg eenheid in Williston! Die eenheid is ruim en het alles wat nodig is. Ons het heerlik daar oorgeslaap (net een aand), maar sal beslis die eenheid aanbeveel en van gebruik maak in die toekoms om die dorp en omliggende gebied te verken. Die boek oor die geskiedenis van die dorp was baie insiggewend en goeie leesstof. Ons het met ons 2 honde gereis - daar is geen gras nie (verstaanbaar in die dorre streek). Maar die omheinde erfie was groot genoeg vir hulle asook die straatwandelings.