Ollava Gastehuis

Gastehuis

Kapasiteit: 10 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Hoofweg 122, Glencairn, 7975, Wes-Kaap
Vanaf R500 per nag (plek vir 2)

Beskrywing

Ollava Gastehuis is in Glencairn in die Wes-Kaap. Dit is in die Suidelike skiereiland tussen Simonstad en Vishoek geleë.
Die gastehuis is langs ‘n besige pad en die verkeer kalmeer teen 10uur snags, en begin weer teen 5 uur in die oggend.
Verblyf word in verskeie eenhede naamlik Valsbaai, Protea, Seagull en Huis Walvis-Pikkewyn gebied. Al die kamers het 'n privaat ingang, gemaklike beddens en 'n badkamer met 'n stort. Protea het nie 'n see-uitsig nie. Al 4 die ander eenhede het ‘n baie mooi uitsig oor Valsbaai.
Van die kamers is met 'n mikrogolfoond, 'n yskassie en 'n ketel met tee- en koffiemaakgeriewe toegerus. Die Walvis-Pikkewyn huis het ‘n selfsorg kombuis. Parkeerplek is voor die huis beskikbaar. Dis nie agter ‘n heining nie.

Huis Walvis-Pikkewyn beskik oor 2 slaapkamers en bied slaapplek aan 4 gaste. Die 2 slaapkamers het elk 'n smart TV en ekstra lang koninggrootte-bed. Die en suite-badkamer het 'n toilet en 'n stort. Gaste het toegang tot 'n gemeenskaplike kombuis wat met 'n twee plaat stoof en oond, yskas-vrieskas, airfryer, koffie perkuleerder, ketel en mikrogolf toegerus is. Daar is ook 'n balkonarea met sitplek en 'n see-uitsig. Gaste het geen toegang tot die swembad. Geen troeteldiere of kinders word toegelaat nie.

Nabygeleë aktiwiteite sluit visvang en swem in. Kaappunt en Boulders-strand waar hulle pikkewyne kan sien is naby.

Kry ’n Kwotasie