On The Rocks

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Snoekstraat 401, Oesterbaai, 6300, Oos-Kaap
Vanaf R3 600 per nag (plek vir 8)

Beskrywing

On The Rocks is 'n bekoorlike selfsorgvakansiehuis in Oesterbaai in die Oos-Kaap. Dit is perfek vir 'n gesin of groep vriende wat op soek is na gerieflike verblyf met lieflike see-uitsigte weg van die stad se geraas af.

Dié huis het 5 slaapkamers, elkeen met sy eie en suite-badkamer. Die kamers is volledig gemeubileer. Die eerste 3 slaapkamers het dubbelbeddens en die ander 2 kamers het elk 2 enkelbeddens. Die kombuis is ten volle toegerus en het 'n yskas-vrieskas, mikrogolfoond, 'n oond met 'n stoof, genoeg ingeboude kaste vir eetgerei en breekware, en ander toebehore.

Die oopplan-sitarea het gemaklike sitplek en 'n TV met DStv. Daar is 'n groot tafel, stoele en 'n ingeboude braai in die eetkamer. Gaste kan die see-uitsig vanuit elke kamer in die huis geniet en die sitkamer het 'n skuifdeur wat na die groot onderdakstoep lei.

Parkeerplek vir 2 motors is beskikbaar en On The Rocks is binne stapafstand van die rotspoele en net 7 km van die ongerepte strande af waar fynbos, verskeie voëlspesies en elke nou en dan 'n bokkie jou mag verras.

Die perseel is omring deur melkplase en is net 25 km van Humansdorp en 23 km op 'n gruispad van St. Francisbaai af.

Kry ’n Kwotasie