Beskrywing

On Yonder Hill bied selfsorgverblyf in Plattekloof teen die voet van Tygerbergheuwel. Dié huislike ateljeewoonstel is baie sentraal geleë en gaste het maklike toegang tot die N1 wat jou binne 'n paar minute by hoof-besienswaardighede sal uitbring. Dit is stapafstand van Panorama MediClinic af en net 'n paar minute van die winkels en restaurante by Plattekloof Village & Spar af wat heerlike gekookte kos aanbied en 'n sushi-toonbank en deli het.

Die eenheid het 'n dubbelbed en 2 enkelbeddens en 'n badkamer met 'n stort, wasbak en toilet.

Die kombuisie is met 'n yskas, wasbak, ketel, mikrogolf, broodrooster en 'n stoof met 'n oond toegerus. Wasgoeddienste is ook naby die eenheid beskikbaar. Dit is 'n gesinshuis en gaste het hul eie ingang en onderdakparkeerplek. Die woonstel het ook 'n privaat tuin en stoep op die perseel wat gaste kan gebruik.

Gaste kan gerus laat weet of hulle hulp of raad nodig het. Andersins sal die eienaars gaste se privaatheid respekteer. Vars linne, handdoeke en die nodige in die kombuis insluitend koffie, tee, suiker, melk en tuisgebakte beskuit is beskikbaar met aankoms. 'n Skoonmaakdiens word daagliks voorsien op versoek. Volledige DStv en WiFi is beskikbaar.

Kaapstad Internasionale Lughawe, Grand West Casino, N1 City Hospitaal, die V&A Waterfront, Canal Walk, KIKS, die Kaapstad Station en die strande is 10 en 15 minute van ons af. Daguitstappies na die nabygeleë wynplase op De Grendel in Plattekloof of in Stellenbosch, Durbanville en Paarl is altyd 'n goeie opsie.