One Bedroom Beach Villa @ Brenton Haven Beachfront Resort

Beskrywing

Brenton Haven Beachfront Resort is een van Knysna se gunsteling-vakansiebestemmings. Dit word deur die mooiste strande, 'n pragtige blou oseaan en welige fynbosduine omring.

Dié strandvilla beskik oor 1 slaapkamer, 'n en suite-badkamer, oopplan-kombuis, -eetarea en 'n sitarea. Die slaapkamer het 'n koninggrootte-bed en 'n en suite-badkamer met 'n bad, wasbak en 'n toilet. Vars linne en handdoeke word voorsien.

Die oopplan-kombuis is met 'n yskas-vrieskas, stoof, oond, mikrogolfoond, basiese eetgerei, breekware en koffie- en teemaakgeriewe toegerus. Daar is ook 'n skottelgoedwasser. Dit lei na 'n eetarea wat verder na 'n sitarea lei. Die sitarea het gemaklike rusbanke en 'n TV.

Die sitarea se glasskuifdeure lei na 'n balkon met buitesitplek en 'n ingeboude braai. Gaste kan ook die uitsigte oor die see in die verte bewonder.

Veilige parkeerplek is op die perseel beskikbaar en gaste het toegang tot die oord se verskeie geriewe wat 'n gemeenskaplike swembad, gimnasium en restaurant insluit.