One on Chelsea

Selfsorg

Soos Gesien op Instagram
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Chelsea Court 1, Umhlanga, 4320, KwaZulu-Natal
Vanaf R7 800 per nag (plek vir 10)

Beskrywing

One on Chelsea is 'n pragtige selfsorg-vakansiehuis in die hartjie van Umhlanga. Hierdie juweel is die ideale opsie vir gesinne en vriende wat op soek is na 'n kusvakansie aangesien dit stapafstand vanaf Umlanga se strand is.

Hierdie dubbelverdiepinghuis bied slaapplek aan 10 gaste en beskik oor 5 slaapkamers en 5 badkamers. Al 5 slaapkamers het 'n koningingrootte-bed, maar net 2 van die kamers het 'n en suite-badkamer met 'n stort, bad, wasbak en 'n toilet. Daar is 2 volle badkamers met 'n bad en 'n stort en die vyfde badkamer het net 'n stort. Alle linne en badhanddoeke word voorsien, maar gaste moet hul eie strandhanddoeke saambring.

Daar is 'n oopplan-leefarea met 'n kombuis op die onderste verdieping. Die kombuis is met 'n gasstoof, elektriese oond, mikrogolf, yskas-vrieskas, eetgerei, breekware en 'n toonbank met stoele toegerus. Daar is ook 'n skottelgoedwasser en 'n wasmasjien in die opwaskamer. Die kombuis lei na 'n etenstafel geskik vir 8 gaste en 'n knus sitarea met gemaklike sitplek en 'n platskerm-TV.

Die huis het ook 'n formele sitarea wat na die onderdakstoep met 'n pooltafel en 'n ingeboude braai lei. Die stoep lei veder na die groot houtdek met 'n swembad en sonstoele waar gaste heerlik kan ontspan. Veilige parkeerplek agter 'n afstandbeheerde hek op die perseel is beskikbaar.

Kry ’n Kwotasie