Beskrywing

Ons Huisie is 'n tradisionele kothuis met witgekalkte mure en 'n grasdak in McGregor. Daar is slaapplek vir 4 gaste wat dit ideaal maak vir paartjies of gesinne met kinders.

Die hoofslaapkamer het 'n koningingrootte-bed, 'n ingeboude kas en 'n en suite-badkamer met 'n stort. 'n Olieverwarmer word vir koeler aande voorsien. Die tweede verdieping het 2 enkelbeddens, 'n laaikas en hangplek en 'n uitsig van Badge-berg. Die tweede badkamer het 'n bad, stort, toilet en wasbak. Die kombuis is 'n moderne dennehoutkombuis met 'n elektriese vierplaatstoof, konveksie-oond, ketel, broodrooster, basiese toebehore, eetgerei en breekware. Die eenheid het 'n eetarea wat na die sitkamer met kaggel lei.

Gaste het toegang tot parkeerplek en braaigeriewe. Die kothuis is troeteldiervriendelik.

Die groot, omheinde tuin is lekker veilig vir kindertjies en troeteldiere om in te speel. Twee opvou-sonstoele is beskikbaar waarmee jy die lekkerste hoekies in die tuin kan gaan uitsoek om te sit en lees of ontspan. Die stoep is groot genoeg om bergfietse af te was.

Onse Huisie is aan die stil kant van die dorp geleë, maar naby genoeg aan die winkels. Die stam van 'n enorme bloekomboom waak oor die huis. Hierdie boom se wortels het eens op 'n tyd deur die vloer gegroei en is tans 'n gedenkteken.