Ons Huisie by die Dam

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Ring-weg Wes 140, Harbour Town Estate, Vaal Marina, 1945, Gauteng
Vanaf R3 200 per nag (plek vir 6)

Beskrywing

Ons Huisie by die Dam is in 'n veilige kompleks in Vaal Marina geleë. Die huis spog met die perfekte kombinasie tussen rustigheid en luuksheid en dit maak dit die idale bestemming vir gaste wat op soek is na 'n wegbreek langs die water.

Die ruim huis bied slaapplek aan 6 gaste en beskik oor 3 slaapkamers. Die hoofslaapkamer het 'n koninggrootte-bed en 'n en suite-badkamer met 'n stort, bad en 'n toilet. Die tweede slaapkamer het 'n koningingrootte-bed en die derde slaapkamer het 2 enkelbeddens. Die aparte badkamer het 'n bad, stort en 'n toilet. Alle linne en badhanddoeke word voorsien, maar gaste moet hul eie strandhanddoeke saambring.

Die oopplan-leefarea beskik oor 'n kombuis wat met 'n stoof, oond, mikrogolfoond, yskas-vrieskas en al die nodige eetgerei en breekware toegerus is. Daar is ook 'n toonbank met stoele en 'n opwaskamer wat met 'n skottelgoedwasser, wasmasjien en 'n dubbeldeuryskas toeegrus is. Die eetarea het genoeg sitplek en die sitarea het rusbanke, 'n TV en 'n kaggel. Gratis WiFi word voorsien.

Buite is daar 'n boma, swembad en 'n jetty waar gaste hulle eie boot kan vasmeer. Die kompleks beskik ook oor tennisbane en 'n 9-putjie-gholfbaan.

Kry ’n Kwotasie