Ons Stee

B&B

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Berg en Dalstreet, , Wellington, 7655, Wes-Kaap
Vanaf R1 500 per nag, vir 2 mense

Beskrywing

Aan die voet van die Groenberg, is die historiese dorp Wellington in 'n prentjiemooi vallei op die oewers van die Krommerivier, met die majestueuse Hawequaberge wat wagstaan op sy oostelike grens. Wellington, in die hart van die Boland en ryk in kulturele, godsdienstige en opvoedkundige geskiedenis, is onoortreflik as area wanneer die wynlande en natuurtonele van die Weskaap in Suid-Afrika ervaar en geniet wil word.

Ons Stee B&B bied 4 kamers met en suite-badkamers. Elke kamer het 'n bad en stort. Die kamers het tee- en koffiemaakgeriew, 'n kluis, koninggrootte-beddens, lugversorging (warm en koud) en 'n yskassie. Die wittebrood-suite het sy eie jacuzzi. Daar is 'n lekker swembad en verder kan gaste ontspan op die sonstoele in die lieflike tuin.

Wellington bied 'n ongelooflike verskeidenheid van inkopie-heerlikhede vir toeriste. Die dorp is goed toegerus met alle mediese en nooddienste en het takke van al die hoofbanke in Suid-Afrika. Wellington spog met twee leerfabrieke wat pragtige kwaliteit leerprodukte soos skoene, handsakke boekoortreksels en ander kleiner artikels produseer. Verder is daar handdoekfabrieke, vrugtesapkiosks wat aan die publiek verkoop, glaswarewinkels en baie klein plekkies waar gaste kan rondsnuffel, as aanvulling by die meer prominente kettingwinkels. Kunsgallerye, antieke meubels, keramiekteëls en meubels uit Bali kan deel uitmaak van 'n ware 'n inkopie-ervaring.

Kry ’n Kwotasie