Ons Wegkruip Plekkie @ Leeupoort

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Vingerpolpaadjie, Leeupoort Vakansiedorp, 0486, Limpopo
Vanaf R1 000 per nag (plek vir 6)

Beskrywing

Ons Wegkruip Plekkie @ Leeupoort is in Leeupoort Vakansiedorp met 'n matige tot warm klimaat regdeur die jaar en is die ideale verblyf vir gesinne of groepe wat hou van wild en die bosveld - dis voorwaar 'n Bosveldjuweel!

Dié moderne vakansiehuis beskik oor 3 slaapkamers en daar is slaapplek vir 6 gaste. Die hoofslaapkamer het 'n koningingrootte-bed en 'n en suite-badkamer. Die tweede badkamer het 'n bad, stort en 'n toilet. Daar is 2 enkelbeddens in die tweede slaapkamer en 'n dubbelbed in die derde slaapkamer.

Die oopplan-kombuis is toegerus vir selfsorg met 'n gasstoof, oond, yskas, diepvrieskas, mikrogolfoond en skottelgoedwasser. Gaste kan maaltye aan die etenstafel geniet of voor die TV in die sitarea ontspan. Die TV het 'n OVHD-dekodeerder en nie DStv nie. Die eenheid het 2 leefareas. Daar is ook 'n heerlike onderdakvuurput vir braai en kuier. Die huis het lugversorging waarvoor gaste moet betaal, asook plafonwaaiers en daar is 'n plonspoel waarin gaste kan afkoel.

'n Restaurant, winkel, drankwinkel en 3 swembaddens is beskikbaar op die perseel. Leeupoort Vakansiedorp het heelwat uitkykpunte op die Waterberg, en daar is stap-, fietsry- en 4x4-roetes, asook piekniekplekke en swembaddens. Besoekers het vrye toegang tot die natuurreservaat wat ons ons eie "Krugerwildtuin" noem. Die reservaat huisves 50 soorte soogdiere, 170 soorte voëls en 114 boomspesies. Die wild loop in die strate rond en wei tussen die huise. Gaste moet hul oë oophou vir die vlakvarke, sebras, kameelperde, koedoes, blouwildebeeste en ander wild.

Ons Wegkruip Plekkie @ Leeupoort is op die R516 en is 172 km vanaf Pretoria, 90 km vanaf Brits, 72 km vanaf Bela-Bela (Warmbad) en 50 km vanaf Thabazimbi in Limpopo geleë.

Kry ’n Kwotasie