Oorvloed Guesthouse

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 14:00
Adres: Langs die N2, Karoolskraal Plaas, Swellendam, 6740, Wes-Kaap
Vanaf R3 000 per nag, vir 8 mense

Beskrywing

Oorvloed Guesthouse is op 'n werkende plaas langs die Breërivier, geleë, ongeveer 40 km vanaf Swellendam en dit bied selfsorgverblyf aan 8 gaste.

Dié ruim huis het 4 slaapkamers, 2 badkamers, 'n kombuis, 'n eetarea en 'n sitkamer. Die hoofslaapkamer het 'n dubbelbed en 'n en suite-badkamer met 'n stort en 'n toilet. Die tweede kamer het 'n dubbelbed en die ander 2 kamers het elk 2 enkelbeddens. Gaste in dié 3 slaapkamers deel die badkamer met 'n bad, stort en 'n toilet. Linne en badhanddoeke word voorsien, maar gaste moet asb. hulle eie swemhanddoeke saambring.

Die kombuis is met 'n stoof, oond, mikrogolf, yskas en ketel toegerus. Daar is binnebraaigeriewe en gaste kan hout saambring of hout kan op die plaas gekoop word.

Oorvloed Guesthouse is net 2,5 km van die rivier af waar gaste kan swem en visvang.

Let asb. op dat 'n grondpad na die verblyf lei. Gaste moet navraag doen oor die toestand van die grondpad voor aankoms aangesien dit weens onvoorsiene omstandighede kan verander.

Gratis WiFi, lugversorging in die leefarea, en 'n plonspoel met bruin rivierwater is ook beskikbaar.

Die plaas is ongeveer 15 km vanaf die Malgaspont, De Hoop Natuurreservaat, Potberg en Infanta.

Daar is heelwat besienswaardighede in die historiese dorp insluitend die museum, restaurante, pottebakkery, bessieplase en soveel meer. Marlothpark het ook verskeie wandelroetes na die pragtige watervalle. Daar is ook verskeie bergfietsroetes in die pragtige omgewing beskikbaar.

Kry ’n Kwotasie