Rustige verblyf in die bos. Baie oulike hout-chalets op die oewer van die rivier, tussen die bome. Wonderlike nagrus met die rivier wat onder jou druis. Puik gashere selfs in die moeilike tye.

Fantasties! Gaan definitief binnekort weer daar gaan bly!

Aangenaam. Ons het lekker gebly. Dit was skoon en netjies. Sal weer daar gaan bly. Ek vermoed die gas geyser was nog nie opgestel vir winter nie. Die warmwater in stort was nie warm genoeg vir koel wintersoggend nie.

Vreedsaam en salig met alle gerief beskikbaar om gemaklik te wees weg van die huis op die rivieroewer. Ons was goed ontvang, die Chalet was baie skoon en netjies, die matrasse was van hoë gehalte om 'n goeie nagrus te verseker. Die seekoei het sy opwagting gemaak en ons vir omtrent 20 minute vermaak met sy streke. Die plek is goed geleë, goeie en veilige parkering vir jou motor en die eienaars is regtig aangename mense. Elektrisiteit, WiFi en DStv was ten alle tye werkend. Ons gaan beslis terug een of ander tyd.

Rustige verblyf vir natuurliefhebbers. Vriendelik ontvang, lekker gebly en die natuurskoon geniet. Was gelukkig om die plaaslile seekoei te sien in die rivier voor ons chalet.

Oppieoewer is wonderlike verblyf vir wegbreek of werk. Oppieoewer is een van die beste plekke waar ons tydens 'n werksbesoek van 17 dae in Limpopo, Noordwes en Gauteng oorgebly het. Die hout-chalets is op die oewer van die Letabarivier net buite Tzaneen geleë en bied 'n asemrowende uitsig oor die rivier. Die eienaar is gasvry en hulpvaardig en het ons tuis laat voel met ekstras soos hout, ys en selfs wasgoed wat gewas en gestryk is teen 'n geringe fooi. Ek beveel Oppieoewer ten sterkste aan vir enigiemand wat wil wegbreek of, soos ons, 'n nag of twee wil oorbly in die allermooiste omgewing. Ons het selfs die eerste aand 'n seekoei waargeneem wat op die oorkantste oewer uitgeklim het om te gaan wei!

Gerrit en Alta is die beste gashere - het altyd gevoel dit is 'n aanloklike omgewing. Ons wil net weereens baie dankie sê vir julle gasvryheid. Dit was een van die vakansies wat ons nooit sal vergeet nie. Die uitnodiging om saam met julle na die Wolkberg toe te gaan, was ongelooflik. Alta se sjokoladekoek met Marit se verjaarsdag was nie net 'n groot verrassing nie, maar ook 'n treffer. Ons veiligheid Saterdagaand was ook 'n groot prioriteit vir julle. Dankie dat julle gehelp het met die ontruimery. Klein Gerrit kan voorwaar raakvat en sy maniere is uit die boonste rakke. Sê asseblief vir hom ook hoe baie ons hom waardeer het. Julle is lieflike mense wat soveel van julleself gee. Die wêreld het baie meer van julle soort nodig. Sasha het toe gelukkig nie bosluiskoors nie en is op 'n baie streng dieet. Boesman kan ook nou weer ten volle koning kraai. Dankie dat ons die honde kon saambring. Ek weet dit was 'n groot toegewing van julle kant af. Sterkte met die stormwaterprojek. Mag 2017 vir julle 'n baie geseënde jaar wees. Groete vanuit Johannesburg.

Mooi omgewing, veilig en rustig. Vriendelike ontvangs. Heerlik gerus in pragtige, veilige omgewing. Om aan die slaap te raak met die geluid van bruisende water in jou ore - priceless!

Goed, schoon chalet op mooie lokatie. De ontvangst was hartelijk, de accomodatie goed. Voor onze kleinzoon was het leuk dat er een bootje beschikbaar was.

Uitstekende, pragtige plek en natuur. Die omgewing en mense was 'n wonderlike ervaring. Dankie aan Gerrit en Alta vir hulle gasvryheid en die manier waarop hulle hulle juweel met ander mense deel, nie net waar hulle bly nie, maar ook die omgewing.