Oppieoewer Chalets

Gastehuis

Kapasiteit: 12 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Erfdeel 193, Lushoffplaas, Tzaneen, 0850, Limpopo
Vanaf R1 800 per nag, vir 2 mense

Beskrywing

Oppieoewer Chalets is op 'n 2 hektaar kleinhoewe minder as 5 km vanaf die skilderagtige Tzaneen in die Limpopo-provinsie geleë. Oppieoewer is die ideale plek vir 'n klein gesin wat vir 'n naweek wil wegbreek en vrede en rustigheid op die oewer van die Letaba-rivier wil geniet.

Verblyf word gebied in 3 hout-chalets en 1 gastekamer. Die chalets kan 2 tot 5 mense akkommodeer. Alle chalets is teen die helling van die rivieroewer gebou en het houtdekke wat oor die rivier uitkyk. Die chalets word omring deur natuurlike struike en bome, en volledig in die skadu. Chalet 3 beskik oor 'n klein kombuisie met 'n yskassie en mikrogolf. Die chalets en gastekamer het gratis WiFi en volledige DStv.

Kampeerterrein met ablusiegeriewe op die eiendom beskikbaar.

Tzaneen is 'n fantastiese basis vanwaar jy die omgewing kan verken. Dit is aan die voet van die Noordelike Drakensberge geleë en het skouspelagtige natuurskoon en fantastiese besienswaardighede wat wag om verken te word. Swem in die kristalpoel by Debengeni-waterval, rits tussen die bome met Magoesbaskloof Canopy Tours (26 kilometer), en geniet 'n drankie in die stam van een van die grootste kremetartbome ter wêreld.

Kry ’n Kwotasie