Oppieoewer Chalets

Gastehuis

Kapasiteit: 12 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Erfdeel 193, Lushoffplaas, Tzaneen, 0850, Limpopo
Vanaf R1 800 per nag, vir 2 mense

Beskrywing

Oppieoewer Chalets is geleë op 'n kleinhoewe van 2 hektaar, minder as 5 km vanaf die prentjiemooi Tzaneen in Limpopo. Oppieoewer is die ideale plek vir 'n klein gesin wat graag wil wegbreek vir 'n naweek en die rus en vrede geniet op die oewer van die Letaba-rivier.

Verblyf word aangebied in 3 hout-chalets en 1 gastekamer. Die chalets het slaapplek vir 2 tot 5 mense. Al die chalets is gebou op die helling van die rivieroewer en het houtdekke wat uitkyk oor die rivier. Die chalets word omring deur natuurlike bossies en bome en is volledig in die skaduwee.

Chalet 3 het 'n kombuisie met 'n yskassie en mikrogolfoond. Die chalets en gastekamer het gratis WiFi en volledige DStv.

Kampeerplek met ablusiegeriewe is ook beskikbaar op die perseel.

Tzaneen is 'n fantastiese basis vanwaar jy die omgewing kan verken. Dit is aan die voet van die Noordelike Drakensberge en het asemrowende uitsigte, daar is ook fantastiese besienswaardighede in die nabyheid. Gaste kan swem in die kristalhelder poel by Debengeni-waterval, of Zipline deur die boomtoppe met Magoebaskloof Boomtoptoere (26 km). Vir die minder avontuurlustiges kan jy ook net 'n drankie geniet in die stam van een van die grootste kremetartbome in die wêreld.

Kry ’n Kwotasie