Otium Oasis

Tentekamp

Kapasiteit: 44 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Gedeelte 78 van Plaas 811, Tesselaarsdal, Caledon, 7230, Wes-Kaap
Vanaf R300 per nag, vir 2 mense

Beskrywing

Otium Oasis is in Tesselaarsdal geleë en word omring deur die majestueuse Overberge. Hiér sal gaste heerlik kan ontspan. Tesselaarsdal is 21 km vanaf Caledon, 38 km vanaf Stanford, 45 km vanaf Hermanus en 150 km vanaf Kaapstad en die laaste stukkie pad tot by jou bestemming is 'n grondpad.

Die tent-chalets bied selfsorgverblyf en is rustiek, dog elegant. Dis op dekke met 'n asemrowende panoramiese uitsig op die Overberge. Elke tent het 'n kombuisie wat met 'n mikrogolfoond en induksiestoofplaat toegerus is, badkamer, sitkamer, dek en privaat braaigeriewe. Jy kan ontspan en afskakel langs die braai, op die houtdek en in die tent. Elke tent-chalet is ontwerp om jou verblyf gerieflik en ontspanne te maak. Daar is ook 'n Eko-kampeerterrein.

Elke tent het 'n privaat warmbad. Daar is 'n plonspoel op die perseel en gaste kan langs die swembad braai.

Otium Oasis bied 'n klimraam en trampolien, asook 'n troelelplaas met alpakka-broers, Chaos en Thumper. Zoey is ons pragtige sebra en ons het ook 2 varke, Rooski en Daisy. Daar is ook 6 vrylopende Springbokke wat naby die tente wei as die son gaan sak.

Kry ’n Kwotasie