Otters Creek

Selfsorg

Kapasiteit: 8 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Porterrylaan, Erfdeel 80 van Plaas 559, Pringlebaai, 7196, Wes-Kaap
Vanaf R2 000 per nag (plek vir 8)

Beskrywing

Otters Creek is ’n selfsorgkothuis op 'n privaat erf tussen Buffelsrivier en Pringlebaai. Dié perseel bied rustigheid weg van die stad se gejaag. Gaste kan hier in die rivier swem.

Dié rustieke, dubbelverdiepinghuis bied slaapplek aan 8 gaste en het 2 slaapkamers, 'n solder, 1 badkamer en 'n oopplan-leefarea. Die hoofslaapkamer het 'n dubbelbed, die tweede kamer het 2 enkelbeddens en die solderkamer het 'n dubbelbed en 2 enkelbeddens. Die solderkamer het ook 'n gastetoilet en die badkamer op die onderste verdieping het 'n bad, wasbak en toilet. Daar is 'n ommuurde buitestort met warm water.

Die kombuis op die onderste verdieping is goed toegerus met 'n yskas, mikrogolf, oond, stoof, klein skottelgoedwasser en ander toebehore. Die oopplan-leefarea langsaan het 'n kaggel en lei na die tuin en rivierbank. Die tuin spog met 'n speelarea vir die jongspan en buitebraai in die skadu naby die rivier se oewer.

Parkeerplek is beskikbaar voor die kothuis. Otters Creek is sowat 3 km vanaf Pringlebaai se strand en sowat 71,7 km vanaf Kaapstad Internasionale Lughawe.

Kry ’n Kwotasie