Ouma se Plaashuis

Selfsorg

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Oest se leegte, Williston, 8920, Noord-Kaap
Vanaf R3 200 per nag, vir 10 mense

Beskrywing

Ouma se Plaashuis is 'n lieflike huis op 'n plaas naby Williston en bied gaste ruim en gerieflike selfsorgverblyf te midde van vrylopende diere soos lammers, voëls, hane, ganse, bergskilpaaie en meerkatte. Dit is ideaal vir 'n groep vriende of 'n gesin wat op soek is na rustige vakansieverblyf op 'n Karooplaas.

Dié ruim huis bestaan uit 4 slaapkamers, 2 badkamers en 'n aparte toilet wat gemaklik tot 10 gaste kan akkommodeer. Twee van die slaapkamers is ingerig met 'n dubbelbed, terwyl die oorblywende 2 slaapkamers elk met 2 enkelbeddens ingerig is. Matrasse is beskikbaar vir 4 kinders. Die badkamers het óf 'n bad óf 'n stort. Daar is ook 'n aparte woonstel met 'n slaapkamer met 2 enkelbeddens en 'n badkamer met 'n stort, wasbak en toilet.

Die kombuis is toegerus met 'n yskassie, oond, gasstoof, eetgerei, breekware en tee- en koffiemaakgeriewe. Die leefarea het gemaklike rusbanke. Die huis maak oop op 'n patio met buitesitplek.

Veilige parkeerplek is beskikbaar vir gaste tydens hul verblyf. Die huis maak van sonkrag gebruik. Daar is ook 'n dam om in te swem en 'n braai-area.

Ouma se Plaashuis is deel van die begraafplaasroete. Handgemaakte grafstene deur C de Waal kan op die plaas besigtig word.

Kry ’n Kwotasie