Ouma se Plaaskombuis en Gastekamers

Gastehuis

Kapasiteit: 16 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Langs die R70, Confido Small Holdings 10, Hennenman, 9445, Vrystaat
Vanaf R1 000 per nag, vir 2 mense

Beskrywing

Ouma se Plaaskombuis en Gastekamers is op 'n kleinhoewe sowat 1 km van die dorpie Hennenman af.

Verblyf is in 6 eenhede beskikbaar: Die Hoenderhok het slaapplek vir 2, Die Ou Trekker het slaapplek vir 4, Die Windpomp het slaapplek vir 4, Die Plaasstal het slaapplek vir 1 gas, Die Plaasstoep het slaapplek vir 2 gaste en Die Donkie Den het slaapplek vir 3 gaste. Elke eenheid het 'n badkamer met 'n stort, en daar is dubbelbeddens of enkelbeddens. Beddegoed, verwarmers en waaiers word in die eenhede voorsien.

Elke eenheid het 'n yskassie, koffie- en teemaakgeriewe en 'n mikrogolfoond. Die eenhede het ook TV's met beperkte DStv. Gaste kan gerus hul eie dekodeerders en slimkaarte bring vir die volle DStv-pakket. Alle kamers is met alarmstelsels toegerus. Ontbyt, middagetepakkies en aandete is op versoek teen ekstra koste beskikbaar.

Gaste kan op hul eenheid se onderdakstoep ontspan of by Ellie se Deli gaan eet. Die Deli bied 'n binnebraai, gasstoof, mikrogolf en yskas wat gaste kan gebruik. 'n Wasmasjien is ook beskikbaar aan gaste wat vir langer bly. Daar is ook WiFi. Die hele gastehuis is aan 'n sonkragstelsel gekoppel in die geval van kragonderbrekeings. Onderdakparkeerplek is beskikbaar.

Ouma se Plaaskombuis en Gastekamers het 'n groot tuin waar kinders kan speel en daar is allerhande plaasdiere op die hoewe. Troeteldiere word ongelukkig nie toegelaat nie.

Kry ’n Kwotasie