Outback Inn

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Arctopusweg 32, Bettysbaai, 7141, Wes-Kaap
Vanaf R3 600 per nag (plek vir 12)

Beskrywing

Outback Inn is in Bettysbaai geleë en is 'n dubbelverdiepinghuis wat tot 12 mense kan akkommodeer en is net 400 m van die strand af.

Die ruim huis beskik oor 6 kamers, en vir gerief word handdoeke en beddegoed voorsien. Twee van die kamers het elk 'n koninggrootte-bed, die derde kamer is ingerig met 'n koningingrootte-bed, terwyl die vierde 'n dubbelbed het. Die ander 2 kamers het elk 2 enkelbeddens.

Die oopplan-kombuis is toegerus met 'n stoof, 'n mikrogolfoond, 'n yskas, asook tee- en koffiemaakgeriewe, en etes kan by die groot etenstafel geniet word. Gaste kan ontspan in die sitkamer wat toegerus is met 'n TV met Netflix, 'n Amazon-mediaboks en 'n ingeboude braai-area. WiFi word ook voorsien.

Die leefarea maak oop op 'n stoep wat oor die tuin en braaigeriewe uitkyk. Gaste kan ook ontspan op die boonste verdieping se balkon, wat 'n gedeeltelike see-uitsig en 'n uitsig oor die omgewing het. Troeteldiere is welkom mits dit vooraf gereël word, en veilige parkeerplek is beskikbaar. Neem asseblief kennis dat dele van die eenheid via trappe toeganklik is en dalk nie geskik is vir jong kinders, bejaardes of gaste met gestremdhede nie.

Outback Inn is 900 m vanaf die Stony Point Penguin Colony, en sowat 2 km vanaf die swemstrand, Silver Sands Beach. Bettysbaai bied verskeie doendinge soos sandplankry en voetslaan, asook verskeie besienswaardighede; die Harold Porter Botaniese Tuine, en die Disarivier-waterval.

Geen luide partytjies sal deur die bure geduld word nie. Respekteer asseblief die huisreëls en regulasies.

Kry ’n Kwotasie