Over Karoo Inn

Gastehuis

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Tennant-weg 16, Barrydale, 6750, Wes-Kaap
Vanaf R800 per nag, vir 2 mense

Beskrywing

Over Karoo Inn is in Barrydale op die bekende en skilderagtige Roete 62 geleë wat tussen Kaapstad, Oudtshoorn, die Tuinroete en Gqeberha (Port Elizabeth) loop.

Geleë op die grens tussen die Klein Karoo en die Overberg, is Barrydale die perfekte plek om te ontspan en af te skakel. 'n Gerieflike oornagplek as mens op reis is en die ideale basis om die res van die R62-dorpies en besienswaardighede te besoek.

Over Karoo Inn is stapafstand vanaf interessante winkels en 'n verskeidenheid restaurante. Die Barrydale toerisme-inligtingsentrum is net 'n hanetreetjie weg.

In die nabye omgewing is die asemrowende Tradauw-passe, voetslaan- en bergfietsroetes, 'n brandewynkelder, wynproe, handwerkbier, natuurreservaat, wildreservaat, warmwaterbronne en baie vars berglug.

By Over Karoo Inn is daar 2 kamers met 'n koningingrootte-bed elk en 'n derde kamer wat geskik is vir gesinne met 'n koningingrootte-bed en 2 enkelbeddens. Kamers het ekstra lengte beddens met 100% katoenlinne. Daar is 'n waaier vir die somer en 'n gasverwarmer en elektriese kombers vir die winteraande in die Klein-Karoo. Elke kamer het sy eie privaat badkamer met 'n stort, toilet en wasbak.

Die kamers beskik oor 'n yskassie, ketel, haardroër, glasware en breekware, koffie- en teemaakgeriewe en warm sjokolade om op die privaat patio te geniet terwyl jy die uitsigte oor die voëls en die berge geniet.

Braaigeriewe, gratis WiFi en veilige parkeerplek is ook beskikbaar vir gaste se gebruik.

Kry ’n Kwotasie